Второ признание за две недели: Шошкиќ повторно најдобар

03 февруари 2026 - 08:54

Андреј Шошкиќ доби уште едно индивидуално признание по одличните настапи во дресот на Универзитетот Стони Брук во НЦАА.

Во период од само две недели, тој вторпат е прогласен за дебитант на неделата во неговата конференција (Coastal Athletic Association), а сето тоа како награда за извонредните изданија. На двата натпревара минатата недела, Шошкиќ просечно постигннуваше по 18 поени со шут од игра од 55% и 66,7% за тројка. Освен тоа, остваруваше по 6 скока, 4,5 асистенции и 2 украдени топки.

Стони Брук е во серија од пет победи, првпат во историјата на универзитетот и атакува на првото место во својата конференција. Шошкиќ веќе се етаблира како сигурен стартер и речиси редовно по 30+ минути.