Анонимец од Италија сензационално победи на најпознатата патека за спуст (ВИДЕО)

Тој стартуваше со бројот два и уште на почетокот беше јасно дека поставил високи стандарди, но малкумина очекуваа дека токму неговото време ќе остане недостижно до крајот на трката. За 24-годишниот Италијанец ова е прва победа во спуст во кариерата, а вкупно втора во Светскиот куп, по триумфот што претходно го забележа во супер-велеслалом.

Фаворитите еден по еден се обидуваа да го симнат од врвот, но без успех. Најблиску до сензационалниот победник беше Марко Одермат, кој заостана само седум стотинки и мораше да се задоволи со второто место. Изненадувањата не застанаа тука, бидејќи на подиумот се искачи и 35-годишниот Французин, Макс Мусатон, кој со стартен број 29 ја освои третата позиција, со заостанување од 39 стотинки зад победникот.