Ракометарите ги дознаа можните ривали за баражот за СП 2027 - и Србија е меѓу нив!

21 јануари 2026 - 21:00

Македонската ракометна репрезентација вчера го заврши настапот на Европското првенство, а следна мисија за избраниците на Лазаров ќе биде Светското првенство во Германија кое се игра наредната година.

Веќе се познати и можните противници за Македонија и меѓу потенцијалните ривали има незгодни противници, тука е и Србија.

Победата над Романија значеше дека турнирот го завршуваме на 14-тото место, а тоа ни донесе подобра позиција и во квалификаците ќе го одиграме само третиот, последен бараж каде што ќе имаме улога на носител во првиот шешир.

Двата натпревари дома и на гости Македонија против противникот кој ќе го добие на ждрепка ќе ги игра во мај.

Можните ривали на Македонија се: Чешка, Италија, Босна и Херцеговина/Косово, Грузија/Израел, Украина/Словачка, Србија/Литванија, Полска/Летонија, Турција/Романија, Грција/Белгија, Финска/Црна Гора.

Мундијалот во Германија се игра наредната година од 14-ти до 31. јануари.