Ѓорческа доби голема помош: Во Мелбурн ечеше – Македонија, Македонија (ВИДЕО)

12 јануари 2026 - 10:50

Големата победа на Лина Ѓорческа во првото квалификациско коло на Австралија опен помина со македонска атмосфера, која имаше голема улога во нејзиниот убедлив триумф над четвртата носителка Синја Краус (7-5, 6-0).

На теренот број 12 во Мелбурн имаше многу навивачи со македонски знамиња што се вееја од трибините и создадоа чувство како Ѓорческа да игра на домашен терен. Во поголем дел од меч, од публиката одекнуваше гласното „Македонија, Македонија“, што постојано ја бодреше нашата најдобра тенисерка и ѝ даваше дополнителен мотив во клучните моменти.

Под ваква поддршка, Ѓорческа одигра сигурно и зрело, особено во вториот сет во кој целосно ја надигра Краус. Во второто коло од квалификациите, таа ќе се сретне со Зиданшек од Словенија, која ја победи Понше со 2-0, а се наоѓа на 151. место на ВТА листата.

Видеото од скандирањето на македонските навивачи во чест на македонската најдобра енисерка може да го погледнете ТУКА.