Русинка го промени државјанството и стана најдобра тенисерка на Австрија!

Таа и официјално од 2026 година ќе настапува за Австрија. 

Потапова веќе некое време живее во Виена, град со кој разви длабока врска и за кој сега вели дека е нејзин дом.

Иако минатиот викенд настапуваше на егзибициски турнир во Сенкт Петербург, нејзината одлука да ја претставува Австрија е донесена многу порано, а целиот процес сега е само официјално финализиран. Таа тоа го потврди преку социјалните мрежи.

Потапова е една од најталентираните тенисерки на својата генерација и поранешна број 1 во јуниорска конкуренција, во 2016 го освои јуниорскиот Вимблдон.

Во Австрија немаат подобро рангирана тенисерка од Потапова, па таа автоматски станува и најдобрата во оваа земја.

Таа исто така се смета и за една од најубавите тенисерки.