Нова драма: Обрадовиќ ништо не одлучил - Мијаловиќ сè измислил!?

Во текот на вчерашниот ден на официјалниот сајт на „црно-белите“ беше објавено дека Обрадовиќ веќе не е тренер на Партизан, меѓутоа според информациите на телевизијата „Нова“ станува збор за лична објава на претседателот Остоја Мијаловиќ.

„Остоја Мијаловиќ на своја рака ја пласираше веста: Жељко Обрадовиќ не одбил да ја повлече оставката“, гласи насловот на текстот на „Нова“.

Исто така се додава дека во писмото кое беше објавено по натпреварот со Панатинаикос Обрадовиќ не додал „неотповиклива“, туку тоа било вметнато од страна на клубот, наводно по барање на Мијаловиќ.

„Она што за нас е исто така нелогично во целата ситуација е состанокот на Управниот одбор закажан за сабота на кој требаше да се расправа за оставката на Обрадовиќ. Тој состанок прво беше закажан за сабота, па одложенн со образложение дека неколку лица од управниот одбор биле во странство, но набрзо потоа клубот ја објави и информацијата дека Обрадовиќ одбил да ја повлече оставката“, стои во текстот.

„Нова“ тврди и дека се работи за лага и дека Обрадовиќ ништо не одбил.