Бизарно: Додека брутално го тепаше ривалот во рингот, крадци му ја ограбија куќата (ВИДЕО)

30 ноември 2025 - 07:40

Британскиот боксер, Бен Витакер, имаше драматичен емотивен ролеркостер во само неколку часа, откако по големиот триумф во пресметката во Бирмингем, каде што со брутален нокаут го совлада Бенџамин Гаваци и го освои сребрениот WBC-појас во полутешка категорија, при враќањето дома открил дека неговиот дом бил – ограбен.

Инцидентот се случил во раните часови во неделата во неговиот дом во Веденсбери, а Витакер за случката информираше преку социјалните мрежи.

„Се враќам од борбата – дома се растурено. Имам голема награда за секој што ќе ги пронајде тие луѓе. Ми го зедоа дури и ИБФ-појасот. Што ќе им е?“, напиша тој.

Витакер во Националниот изложбен центар во Бирмингем ја продолжи својата серија без пораз на 11 мечеви. По спектакуларната победа над Гаваци, се очекува Витакер, кој моментно е на деветтото место на WBC-листата, наскоро да се пробие и меѓу првите пет предизвикувачи во организацијата.

Британецот планира свој американски дебитански настап на почетокот од 2026 година. Доколку се остварат плановите, Витакер би можел да се бори за нови шампионски појаси – како замена за оној што му беше украден во ноќта на големиот триумф.