„Страдате од хроничен барсенолитис - судиите на секој меч ви помагаат!“

На клупското собрание на „кралевите“, Перез повторно го актуелизираше таканаречениот „случај Негреиро“ – истрагата која долго време ја засенува шпанската лига и во која Барселона е посочена дека наводно исплаќала значителни суми на компании поврзани со поранешниот потпретседател на судиската комисија, Хосе Марија Енрикез Негреиро. Лапорта, пак, веднаш реагираше. За време на својот престој во Андора, тој порача дека изјавите од Перез не се ништо ново и дека, според него, претставуваат обид Реал да ја претвори Барса во изговор за сите проблеми.

„Кога повторно ги преслушав неговите зборови од генералното собрание, сфатив дека ова е само уште една епизода од хроничниот ‘барселонитис’ во Мадрид. Таму постојано мора да нè спомнуваат за да оправдаат сè што се случува. Барса никогаш не платила судија, а ако треба да бидеме искрени – историски судиите биле многу понаклонети за Реал. Тие со години им помагаат“, изјави Лапорта.

Тој во својата реакција се осврна и на последниот натпревар на Реал во Примера, ремито со Елче (2-2), каде што „кралевите“ постигнаа два контроверзни погодоци што предизвикаа остри реакции поради нивната регуларност.

ФОТО: EPA PHOTO