Србинот е вонземјанин: Совршен меч за Јокиќ – без промашување го уништи Феникс (ВИДЕО)

Српскиот ас одигра совршен меч и го водеше тимот до нов успех во НБА-лигата. Тој натпреварот го заврши со 26 поени, 10 асистенции и 9 скока, останувајќи на чекор до нов трипл-дабл и тоа вторпат по ред. Импресивен беше податокот дека ги реализираше сите шутеви од игра - 5/5 за два поени, 2/2 за три, додека од линијата за слободни фрлања беше 10/11. По израмнетото и борбено прво полувреме, Денвер го презеде целосниот ритам на мечот во продолжението. „Нагетси“ ја подигнаа агресијата, ја контролираа играта и постепено ја зголемуваа предноста, која веќе во средината на последниот квартал значеше решена приказна.

Покрај Јокиќ, одличен настап имаа и Џамал Мари со 24 поени, како и Тим Хардеј Јуниор, кој постигна 23. Двоцифрени беа и Спенсер Џонс (16), Камерон Џонсон (15) и Пејтон Вотсон (11). Кај домаќините се истакнаа Дилон Брукс со 27 поени и Девин Букер со 24, но нивниот учинок не беше доволен за изедначен финиш.

Денвер со овој триумф дојде до четвртата позиција на Западот со скор 14–5, додека Феникс падна на биланс 12–9 и е седмопласиран.

РЕЗУЛТАТИ: Минесота – Бостон 119-115, Шарлот – Торонто 118-111 (п), Индијана – Чикаго 103-101, Мајами – Детроит 135-138, Милвоки – Бруклин 116-99, Голден Стејт – Њу Орлеанс 104-96, Феникс – Денвер 112-130, ЛА клиперс – Далас 110-114.

ФОТО: X / @nuggets