Пјастри триумфира на спринтот во Катар и ја намали разликата зад Норис!

29 ноември 2025 - 15:39

Возачот на Мекларен, Оскар Пјастри беше најбрз на спринтот кој се возеше во Катар, со што зад себе ги остави Џорџ Расел од Мерцедес и Лендо Норис.

Пјастри трета година по ред е најдобар на спринтот во Катар, а со тоа освои осум бодови, додека неговиот тимски колега и лидер во шампионатот освои само шест поени.

Бранителот на титулата Макс Ферстапен не успеа да ја загрози најбрзата тројка на патеката, па мораше да се задоволи со четвртото место.

Норис на две трки пред крајот на сезоната има 22 бодови повеќе од Пјастри и 25 од Ферстапен.

Фото: EPA