Верстапен победи во Лас Вегас, но Норис дојде на чекор од првата титутла

23 ноември 2025 - 07:15

Maкс Верстапен е победник на Големата награда во Лас Вегас откако извозе одлична трка и заврши пред Ландо Норис кој може да биде задоволен и со второто место.

Втората позиција за Норис значи дека веќе наредниот викенд би можел да ја обезбеди титулата, а последното место на подиумот го пополни Џорџ Расел.

Норис сега има 30 бодови повеќе од тимскиот колега Оскар Пјастри кој денес заврши како четврти и 42 од Верстапен. Наредниот викенд се вози претпоследната трка во Катар и Норис во неа може да ја прослави првата титула во кариерата.

На денешнаата трка Норис тргна агресивно и ја бранеше првата позиција, но во еден момент Верстапен го искористи тоа што Норис прешироко влезе во еден свиок, а тогаш и Расел го помина Норис. Сепак, до крајот возачот на Мекларен успеа да дојде до второто место.

Еден од возачите на денот беше Кими Антонели кој стартуваше како 17-ти и заработи пет секунди казна, но на крајот успеа да дојде дури до петтата позиција.

Фото: EPA