Стравичен пад на најдобрата светска скијачка – во опасност е и нејзината кариера!

Станува збор за сериозна повреда во најнеповолен момент, бидејќи ова е последната сезона во која 34-годишната скијачка планира да се натпреварува на највисоко ниво. Гут-Берахами ја започна сезоната со одлично третото место во велеслаломот во Селден, што ветуваше уште една успешна сезона за двократната победничка на големиот и на седум мали кристални глобуси.

Првичните информации покажуваат дека станува збор за повреда на левото колено, но степенот на повредата сè уште не е познат. Спортската ѕвезда се враќа во Швајцарија за детални медицински прегледи и дополнителни дијагностички тестови. Главното прашање е дали Гут-Берахами ќе успее да се опорави навреме за Зимските олимписки игри во Милано и Кортина на почетокот од следната година. Отворањето на игрите е на 6 февруари, женскиот супервелеслалом, во кој таа го брани златниот медал од Пекинг, е на 12 февруари, а велеслаломот е на 15 февруари, на кој во Кина освои бронза.