Винисиус открива колку е значајно влијанието на Анчелоти во Бразил

Главниот тест ќе биде Светското првенство, но првите знаци се позитивни. Винисиус многу добро го познава Анчелоти од деновите во Реал Мадрид.

„Карло Анчелоти во Бразил го прави она што го правел и во неговите клубови. Тој ти дава самодоверба, прави сите да се чувствуваат комфорно, ги зема предностите од најдобрите карактеристики на секој фудбалер на нивните позиции. Ви кажува дека сака да ги види сите луѓе во Бразил среќни“, вели Винисиус.

„Соблекувалната? Атмосферата е одлична, на сите им се допаѓа и го ценат присуството на Карло Анчелоти, што е многу важно. Тој ни кажа дека веќе сме имале пасија и интензитет за овој дрес, па тоа ги прави работите полесни. Тој ни даде смиреност и ја направи нашата работа полесна“.