Претседателот на Реал Мадрид се „поклони“ пред македонска одбојкарска легенда!

05 ноември 2025 - 11:26

Еден од најдобрите македонски одбојкари во историјата, Владимир Богоевски, минатиот викенд беше специјален гостин на првиот човек на Реал Мадрид, Флорентино Перез на натпреварот на овој тим на домашен терен против Валенсија, како доказ за неговото реноме кое се уште не е избледено во „кралскиот клуб“.

Македонската легенда на подарок доби дрес со своето презиме, а во замена на претседателот на шпанскиот гигант му подари уметничка презентација на Камениот мост во Скопје. Причина за ваквата средба е фактот што Богоевски во минатото настапуваше за одбојкарската селекција на Реал Мадрид и тоа период од две сезони (1981-1983), каде што замина директно по речиси една деценија мината во дресот на Вардар.

Тој до пред неколку дена ја извршуваше функцијата спортски директор на МОК, а во иднина ќе биде советник за спорт на првиот повек на македонскиот олимпизам, Даниел Димевски.