Англичаните објавија прогноза за следните 10 освојувачи на „Златната топка“

26 септември 2025 - 14:15

Францускиот фудбалер Осман Дембеле ја освои „Златната топка“ пред неколку дена во Париз, а зад него заврши Ламин Јамал кој беше еден од главните кандидати за престижната награда, па тоа ги натера Англичаните да направат прогноза за следните 10 освојувачи.

Ако им се верува на прогнозата, тогаш Јамал нема ниту следната година да ја освои наградата, туку ќе мора да почека уште неколку години.

По редослед освојувачите треба да бидат Килијан Мбапе, Мохамед Салах, Џуд Белингам или Кол Палмер, Ерлинг Халанд, па две години по ред (2030 и 2031) Јамал. По нив следат Дезире Дуе, па повторно Јамал со две признанија и на крајот во 2035 година би триумфирал Вилијан Естевао.