„Да им го честитаме 40. роденден на Чкембари со - уште една голема победа во Битола!“

Причина за тоа е посебната симболика – верните „Чкембари“ го одбележуваат својот 40. роденден.

„Сакаме нов триумф и оваа победа ќе им ја посветиме на нашите фанови, особено на ‘Чкембари’ кои слават 40 години постоење. Ќе дадеме сè од себе, како и на мечевите против Загреб и ПСЖ. Веруваме во чуда, играме до последен момент и борбата никогаш не запира,“ изјави македонскиот репрезентативец и левото крило на пелистерци, Петар Атанасијевиќ.

Сличен повик упати и словенечкиот ракометар Нејц Цехте, кој верува дека домашната публика ќе биде клучен фактор.

„ГОГ Гудме има млад и брз тим, но мислам дека нашата одбрана ќе им го скрати просторот за лесни голови. Ги повикувам навивачите – заедно да го прославиме нивниот јубилеј и со победа да покажеме дека напредуваме“, дополни Цехте.

Пелистер во првото коло на домашен терен славеше над Загреб, а потоа во Париз по голема борба и судиска кражба беше поразен од ПСЖ.