Ништо од дербито: Монако го распарчи Асвел во Евролигата!

19 ноември 2025 - 22:08

Кошаркарите на Монако ја продолжија агонијата на Асвел во Евролигата, откако денеска во 12. коло го совладаа со убедливи 84-52.

Првата четвртина не понуди квалитетна кошарка, односно двете екипи постигнаа вкупно 25 поени (14-11 за Монако), по што гостинскиот тим влезе во серија во продолжение и стигна до 34-21 на полувреме.

Монако доминираше во вториот дел од мечот, додека Асвел не делуваше добро на теренот за на крајот да загуби со 52-84.

Најефикасни кај Монако беа Џејмс и Миротиќ со по 12 поени, додека Вотсон запиша седум поени за Асвел.

Фото: A.S. Monaco Basket