Пелистер се избламира и во последниот меч во ФИБА Еврокупот (ФОТО)

19 ноември 2025 - 21:16

Кошаркарите на Пелистер беа поразени и во последниот меч од ФИБА Еврокупот, и тоа на домашен терен од Керавнос со 74-92, па така со една победа и пет порази го завршува настапот во елитното натпреварување.

Екипата од Кипар имаше моќен почеток на гостувањето во Битола, па ја доби првата четвртина со +11 (29-18), а до полувреме успеа дополнително да ја зголеми предноста на 56-42.

Керавност продолжи да доминира и во вториот дел, додека „зелено-белите“ се мачеа со проблеми во нападот, а одбраната беше уште полоша за на крајот да загубат со 74-92.

Најефикасен кај битолчани беше Кевин Брејси-Дејвис со 16 поени, додека Вилсон постигна 13 поени.

Пелистер го освои последното место во групата Д со само една победа и дури пет порази.