Хет-трик на Хари Кејн за нова победа на Баерн! (ВИДЕО)

20 септември 2025 - 17:35

Англискиот напаѓач продолжува со импресивните партии оваа сезона, денеска му донесе три бода на Баерн Минхен од гостувањето кај Хофенхајм каде што Баварците победија со 4-1.

За Баерн ова беше четврта победа во четвртото коло, шампионот продолжува перфектно во новата сезона.

Хофенхајм се држеше до 44. минута кога Хари Кејн погоди и го отвори резултатот носејќи му водство на Баерн од 1-0.

Англичанецот во второто полувреме даде два гола од пенал, по што комплетираше хет-трик.

Домаќините со гол на Цоуфал во финишот постигнаа само почесен гол, а конечните 4-1 ги постави Гнабри длабоко во судиското продолжение.

На гостински победи се израдуваа уште два тима, Фрајбург со 3-0 славеше кај Вердер, а Мајнц со 4-1 беше подобар кај Аугсбург.

Честа на домаќините ја оправда Хамбургер кој со 2-0 го победи Хајденхајм.