Маркез победи во Сан Марино, па го ископира Меси (ФОТО)

14 септември 2025 - 15:58

Шампионот Марк Маркез славеше нова побеа во Мото ГП и беше најбрз на патеката во Сан Марино, зад него следеше Марко Бецеки, додека како трет заврши Алекс Маркез.

Бецеки кој возеше пред домашната публика тргна одлично и долго време беше пред Маркез, но на крајот не издржа, а Шпанецот знаеше да ја искористи шансата.

Интересна беше и сцената по трката кога Маркез потсети на епската прослава на Лионел Меси од времето кога го носеше дресот на Барселона.

Во топ 10 беа уште:  Франко Морбидели, Фабио Ди Џанантонио, Фермин Алегри, Лука Марини, Фабио Куартараро, Мигел Оливеира и Бренд Биндер.

Фото: MotoGP/FB