Германците тргнале да се тепаат со Литванците поради – расистички навреди!

Во паузата меѓу двете полувремиња пред соблекувалните настанала турканица меѓу играчите, а подоцна беше откриено дека причината биле навреди од дел од литванските навивачи кон германската ѕвезда Денис Шредер. На снимки од арената може да се забележи како Даниел Тајс влегува во расправија со литванските кошаркари, покажувајќи кон трибините и споменувајќи ја публиката. По завршувањето на натпреварот, Шредер откри дека бил навредуван на расна основа.

„Атмосферата беше одлична, Литванците секогаш патуваат со тимот. Но, за жал, на полувремето правеа мајмунски звуци. Тоа е нешто што не можам да го прифатам – расизмот нема место во овој свет,“ изјави Шредер, додавајќи дека дел од навивачите биле отстранети од трибините и случајот е пријавен.

И покрај скандалот, Германија со оваа победа направи голем чекор кон пласман во наредната фаза од Евробаскетот.