Челси го надигра Фулам и се искачи на врвот во Премиер лигата (ВИДЕО)

30 август 2025 - 15:35

Фудбалерите на Челси триумфираа со 2-0 против Фулам во третото коло од Премиер лигата и се искачија на врвот на лигата.

Фулам прв стигна до погодок преку Кинг, но радоста траеше кратко затоа што ВАР-технологијата го поништи погодокот поради прекршок.

Жоао Педро ги израдува „сините“ во судиското надополнување откако со глава го матира Лено за водство од 1-0, додека Енцо Фернандез од пенал на стартот на вториот дел ја запечати победата.

Челси е прв со седум бодови и ќе остане на врвот барем до одигрување на останатите натпревари во третото коло.

Фото: Facebook/Chelsea Football Club