Првиот човек на Пелистер за феноменот: „Знаеш кој сум јас? Јас да платам карта?“

Стерјев зборуваше за некултурата на купување на влезници за натпреварите во Битола, но и општо во Македонија.

„Според ракометната платформа спонзорот дава 750.000, а општината 250.000. Општината тоа го зголеми на 300.000, ние исто така тоа го зголемивме значително, но тоа не е стабилен начин на финансирање. Ако сакаме клубот да опстане на ова ниво, мора да се вклучи и бизнис заедницата, инаку нема да биде можно да одржиме како што е. Преземени се сите маркетинг активности, но Битола е тешка средина. Битола е многу тешка средина. Уште ги имате оние големи фанови на ракометот кој велат „Јас 20 години одам на ракомет, сега да плаќам карта? За мене нема карти? Знаеш кој сум јас? Јас сум одел на тренинзи, како сега јас да плаќам карта?“. Имавме огромен притисок минатата сезона кога ставивме цена од 100 евра за сезонска карта. Оваа година е 115 евра. 115 евра за да го гледате својот клуб, да го поддржувате својот клуб, а гледате Лига на шампиони, ПСЖ, Барселона, сите натпревари од домашното првенство, Пелистер 2. Ако за тоа е многу 115 евра, тогаш не заслужуваме да имаме Лига на шампиони во градот“, вели Зоран Стерјев.