Бугарија е освојувач на трофејот „Чајка“, Македонија без победа

07 август 2025 - 20:42

Б-тимот на бугарската репрезентација е победник на турнирот „Бранко Хаџи Иљоски Чајка“ кој последните три дена се одржуваше во Скопје.

Во последниот меч, Бугарите ја победија Македонија со 3-0 (25-20, 28-26, 25-23) и заедно со вчерашниот триумф против Швајцарија (3-1) дојдоа до трофејот. Сите три сета беа тесни и малку недостасуваше да завршат во корист на нашата селекција.

Во македонската репрезентација, Никола Ѓорѓиев беше најефикасен со 15 поени, Савовски додаде 13, а Љафтов заврши со 7. За МВП на турнирот беше прогласен бугарскиот репрезентативец Христијан Димитров кој денеска постигна 16 поени.

Македонија го заврши турнирот без победа откако во првото коло загуби и од Швајцарија со 1-3. Со ова завршија и контролните натпревари за нашата репрезентација, следен предизвик е дуелот со Грција на 13 август на гости и против Грузија на домашен терен четири дена подоцна, во квалификациите за Европското првенство.