Американец плати 100.000 долари само за да го облече дресот на Црвена Звезда!

03 јули 2025 - 08:53

Екипата на Црвена звезда е во финална фаза од преговорите за ангажман на американскиот бек Тајсон Картер, откако тој самиот ја плати откупната клаузула од 100.000 евра за да ја напушти шпанска Уникаха.

Тој, според шпанските медиуми, ќе му се приклучи на српскиот клуб по успешните три сезони во Уникаха, со која освои шест трофеи и беше прогласен за најкорисен играч (МВП) на ФИБА Лигата на шампионите годинава во Атина. Во тоа натпреварување, Картер имаше просек од 12,8 поени и 4,3 асистенции по натпревар.

Црвено-белите активно го реконструираат тимот за наредната сезона. Веќе ги ангажираа Чима Монеки, Сем Оџелеј, Ебука Изунду и Стефан Миљеновиќ, а во клубот се врати и центарот Урош Плавшиќ по позајмицата во Бешикташ.

ФОТО: EPA PHOTO