Тренчовски беше на чекор до триумф против големиот Динамо Загреб (ВИДЕО)

02 јули 2025 - 08:31

Македонскиот стратег, Југослав Тренчовски, веднаш направи сериозни промени во играта и односот по седнувањето на клупата на словенечкиот прволигаш Радомље пред десетина дена, што најдобро се виде на вчерашниот пријателски меч против Динамо Загреб (2-2), редовен учесник во групната фаза од Лигата на шампионите.

Составот на нашиот тренер не се исплаши од звучното име на ривалот, туку одигра храбро и покажа дека пред него е одлична сезона под раководство на нашиот тренер. „Модрите“ од Загреб први поведоа, но Радомље направи целосен пресврт и поведе со 2-1, но до крајот не издржа, па мораше да се задоволи со реми.

Тренчовски и неговите фудбалери задутре ќе излезат на мегдан на уште еден хрватски гигант, со оглед на закажаната пријателска средба против Хајдук.