Вардар ги обнови договорите со Сенгор и Матиќ – потпишаа на уште две години!

23 мај 2025 - 11:58

Само два дена по освојувањето на Купот и обезбедениот настап во квалификациите за Лигата на конференции, екипата на Вардар почна со оформување на тимот за новата сезона, откако објави дека Фаустин Сенгор и Мислав Матиќ ќе останат дел од „црвено-црните“ најмалку до 2027 година.

Сенегалскиот дефанзивец и хрватскиот фудбалер потпишаа нови двегодишни договори со скопскиот клуб, со што се покажува намера за задржување на клучните играчи во ростерот. И двајцата играчи му се приклучија на Вардар на почетокот на оваа календарска година.

Сенгор, кој претходно играше за Гиресунспор, Шкупи, Челик Зеница и Каса Спорт, дојде како слободен агент. Матиќ, пак, има искуство од клубови како Широки Бријег, Рудеш, Шибеник, Локомотива Загреб и украински Минај.