Бостон во проблеми: Тејтум поради повреда ќе паузира цела година!?

13 мај 2025 - 13:41

Американските медиуми пишуваат дека ѕвездата на Бостон селтикс, Џејсон Тејтум наводно има повреда на ахиловата тетива и поради тоа го чека долга пауза.

Тејтум беше одличен на теренот против Њујорк никс, но во завршницата се повреди и го остави Бостон во немилост до крајот на средбата (113-121).

Според неофицијални информации, Тејтум има проблеми со ахиловата тетива и поради тоа ќе ја пропушти следната сезона.

Раководството на Бостон, сепак, најави дека ќе го испрати Тејтум на дополнителни медицински прегледи, по кои ќе биде утврдено колку ќе паузира кошаркарот.