Вардар сака дома против Струга да ја продолжи серијата без пораз!

06 мај 2025 - 11:18

Со денешниот натпревар меѓу Вардар и Струга, во 17 часот започнува 31. коло од Првата македонска фудбалска лига. Овој натпревар ќе биде и судир на екипите кои на 21. мај ќе се борат за трофејот во Купот на Македонија.

Вардар, кој по лошиот старт во сезоната успеа да се консолидира и од пред неколку кола стана јасно дека „црвено-црните“ нема да стравуваат за опстанок, сега се наоѓа на шестото место со 38 бода. „Црвено-црните“ се во одлична форма, имаат три победи во низа и вкупно 14 натпревари се без пораз. Со оглед на тоа што Гостивар се повлече од лигата и останатите натпревари на гостиварци до крајот ќе бидат регистрирани со службени порази, Вардар има реална шанса да напредува уште едно место на табелата.

Струга, од друга страна, моментно е четвртопласирана со 48 бода, но влегува во натпреварот по три последователни нерешени средби. 

Ова ќе биде и единствениот натпревар од ова коло преостанатите три средби се играат утр во истиот термин од 17:00 часот. Натпреварот се игра на тренинг центарот Ново Лисиче, „Петар Милошевски“.

Брера – Шкупи

Шкендија – Работнички

Тиквеш – Беса

Пелистер - Воска спорт (Службени 3-0)

Силекс - Гостивар (Службени 3-0)