Новата КФМ веднаш најде пари за судиите – сезоната продолжува без притисок!

Исплатата доаѓа само неколку дена по смената на раководството на КФМ, кога Перо Антиќ беше разрешен од претседателската функција, а на негово место дојде Томица Главчев. Новото раководство експресно се зафати со решавање на наталожените проблеми, а финансиската стабилизација е меѓу приоритетите.

„Кошаркарската федерација сака јавно да им се заблагодари на сите инволвирани за покажаното трпение и разбирање. Се надеваме дека вакви непријатни ситуации нема да се повторуваат во иднина,“ се наведува во соопштението на КФМ.

Со пристигнувањето на средствата, клубовите и судиската организација добиваат простор да се фокусираат на играта, без дополнителен притисок. Сезоната може да доврши во регуларен тек, со очекување за фер и спортска завршница. Ова е првиот посериозен потег на новото раководство, кое испраќа јасна порака дека има намера да воведе ред, транспарентност и стабилност во македонската кошарка.