Пелистер се пласира на Ф4-турнирот во Купот на Македонија

27 април 2025 - 20:30

Ракометарите на Пелистер триумфираа со 50-25 против Радовиш во финалниот меч од групната фаза со што се пласираа на завршниот турнир во Купот на Македонија.

Битолчани беа фантастични на теренот и доминираа во првото полувреме, кое им припадна со 25-10, по што без проблеми го диктираа темпото во вторите 30 минути и славеа со 50-25.

Најефикасен во победничкиот состав беше Павле Петровиќ со осум голови, додека Антонио Сантос запиша седум погодоци за Радовиш.

Пласман на Ф4-турнирот во Купот на Македонија веќе обезбеди поранешниот европски шампион Вардар.