Македонските фудбалерки со тежок пораз од Косово ја почнаа Лигата на нации

21 февруари 2025 - 15:55

Женската фудбалска репрезентација на Македонија загуби со убедливи 4-0 од Косово во натпревар од првото коло во Лигата на нации кој се играше на тренинг центарот „Петар Милошевски“ во Скопје.

Нашите фудбалерки имаа лоша увертира во Лигата Ц од женската Лига на нации, бевме прегазени од селекцијата на Косово на домашен терен.

Резултатот беше отворен уште во шестата минута кога Бикај ни даде гол за водство на Косово од 1-0. Тоа беше и единствениот погодок во првото полувреме.

По четири минути игра во вториот дел истата фудбалерка на Косово го зголеми нивното водство на 2-0.

Во 65. минута Фетај зголеми на 3-0, а само две минути подоцна Метај ги постави конечните 4-0 за Косово.

Покрај Македонија и Косово, во нашата група е уште и селекцијата на Летонија.