АИ пресмета: Јунајтед со минимални шанси за топ-10, а можеби нема да влезе ни во најдобрите 15

17 февруари 2025 - 17:54

Манчестер Јунајтед ја игра најлошата сезона во историјата на Премиер лигата (од 1992 година) и како што стојат работите, само со трофеј во ФА Купот или Лигата Европа би обезбедил пласман во европските купови догодина.

Во моментов, „ѓаволите“ се на 15. позиција на табелата во англиското првенство и мали се шансите да забележи значаен прогрес, меѓу другото и поради тоа што дел од главните играчи се повредени и ги очекува долга пауза. АИ пресмета дека најмногу што може да се искачи Јунајтед до крајот на сезоната е 12. место на табелата, но поверојатно е да биде 13. (17,3%) или да заврши на 16. позиција (12,1%). Шансите некако да стигне до топ-10 се минимални и изнесуваат околу 5%.

Прв фаворит за титулата според АИ е Ливерпул со 85,8%, зад него е Арсенал со 14,1%, а само уште на Манчестер му се даваат шанси да се вмеша во борбата за трофејот и тоа 0,1%.