Мијатовиќ удри по Чуамени: На ниедна позиција не е добар

Французинот обично во средниот ред, но поради проблемите со повредени играчи во дефанзивата, Анчелоти често го става како стопер, како што беше случај против Барселона. Токму Чуамени беше виновник за неколку голови на ривалот, но иако има изговор дека не е оригинален стопер, Мијатовиќ не е задоволен од него ни кога игра на друго место.

„Ако зборуваме за играчите кои ги има Реал, Чуамени не е добар на ниедна позиција. 
Тој дојде во Реал како стандарден француски репрезентативец и со низа очекувања од него, но не ги оправдува“, вели Мијатовиќ.

Тој ги осуди оние кои бараат оставка и заминување од Карло Анчелоти и порача дека Италијанецот треба да остане до крајот на сезоната, а потоа, евентуално, на негово место да дојде Чаби Алонсо.