Ништо од најавите: Денвер нема да му донесе засилување на Јокиќ

25 декември 2024 - 18:15

Денвер нагетс нема најдобар старт на сезоната, иако српскиот кошаркар Никола Јокиќ се наоѓа во извонредна форма и го предводи на секој меч во НБА-лигата.

Во изминатите денови се појавија различни приказни во медиумите и се шпекулираше дека Јокиќ ќе добие големо засилување, но такво нешто најверојатно нема да се случи, според зборовите на тренерот Мајк Мелоун.

„Многу од тие наслови во медиумите се само обични шпекулации. Не знам ниту од каде доаѓаат. Зборував со управата и таа верува во составот кој го имаме. Без разлика на тоа што пишуваат новинарите, Калвин е во контакт со кошаркарите и агентите и тие ја знаат ситуацијата“, кажа Мелоун.