МЗТ со тешко извојувана победа се збогува со АБА2 лигата (ФОТО)

19 декември 2024 - 19:45

Македонскиот кошаркарски гигант МЗТ Скопје славеше против Цедевита со 87-82 во последното коло од групната фаза во АБА2-лигата.

До средината на првата четвртина Цедевита имаше предност од 13-12, но потоа МЗТ Скопје направи пресврт и стигна до 22-19. Големата борба на паркетот продолжи и во вторите 10 минути, каде што МЗТ Скопје речиси постојано имаше водство, но Цедевита не му дозволи на ривалот да создаде посериозна разлика (46-42).

Цедевита го сврте резултатот во своја корист на почетокот на втората четвртина по грешките на скопскиот гигант и стигна до плус седум (59-52). МЗТ Скопје, сепак, во последната четвртина се разигра и набрзо се врати во предност (72-71), а потоа со одлична завршница извојува победа од 87-82.

Војдан Стојановски со 17 поени, четири скокови и пет асистенции беше најефикасен во редовите на скопскиот тим.

МЗТ заврши на третата позиција во групата А со три победи и три порази, додека пред него се Цедевита и Хелиос.