Леброн собори уште еден рекорд на Џабар

20 декември 2024 - 08:57

На десет дена пред 40. роденден, Леброн Џејмс се искачи на првото место во НБА лигата во уште една статистичка категорија.

Од утринава, тој е играч со најмногу одиграни минути во лигата откако го собори рекордот што досега го држеше Карим Абдул Џабар. На Леброн му беа потребни девет минути на дуелот со Сакраменто за да го стигне Џабар, но одигра 34 и сега има вкупно 57.471 минута во игра.

Поважно од тоа е што му помогна на својот тим да дојде до победа во дербито на Калифорнија. Лејкерс славеа со 113-100 како гостин, а Леброн постигна 19 поени и 7 асистенции.