Флик во проблем: Барса без Јамал во дербито со Атлетико?

16 декември 2024 - 14:25

Фудбалерите на Барселона викендов испуштија можност да ја зголемат предноста на врвот на табелата и по ремито на Реал Мадрид тие беа поразени од Леганез, па така сега каталонскиот гигант има ист број на бодови со Атлетико и еден повеќе од „кралевите“.

Токму во наредното коло Барселона ја очекува домашен натпревар против Атлетико Мадрид, а во него може да останат без услугите на еден од своите најважни фудбалери.

Имено, против Леганес на 15-тина минути пред крајот заменет беше Ламин Јамал кај кого деталните прегледи покажале повреда на зглобот.

Дополнителен проблем е што Јамал неодамна паузираше поради сличен проблем, па така постои голема веројатност да го пропушти дербито кое ќе биде важно за врвот на табелата.