Сити загуби уште еден меч, но Пеп овојпат е задоволен!

12 декември 2024 - 07:14

Манчестер Сити со 2-0 загуби на гостувањето кај Јувентус и по шест одиграни натпревари се наоѓа дури на 22. место на табелата во Лигата на шампионите.

За разлика од претходните порази, Пеп Гвардиола овојпат е задоволен од играта на неговите фудбалери.

„Одигравме добро, навистина, навистина добро. Перформансите се тука“, рече Гвардиола по мечот.

„Бевме навистина, навистина добри вечерва. Не губевме многу топки што се случуваше во минатото и се обидувавме, доаѓавме на позициите на кои требаше“.