Премиерлигаш нуди шест милиони евра за да го врати Мурињо во елитата

10 декември 2024 - 18:45

Португалскиот тренер Жозе Мурињо минатото лето потпиша за Фенербахче, но сега му се отвори можност повторно да работи во Премиерлигата.

Турските медиуми пишуваат дека Мурињо добил интересна понуда од елитата, а Фенербахче може да заработи шест милиони евра.

Вулверхемптон му понудил на турскиот гигант сума од шест милиони евра за Мурињо, откако се најде во непријатна ситуација и на претпоследното место во Премиерлигата.

Мурињо во минатото ги тренираше Челси, Манчестер јунајтед и Тотнем во најсилната фудбалска лига во светот, па со своето искуство би можел да им помогне на „волците“ да останат во елитата.