Лазаров: Сакам победа против Клаипеда – нема да се оптоваруваме со разликата!

„Фармацевтите“ првата средба ќе ја одиграа на домашен терен и тоа утре во својот дом во скопската населба Автокоманда. Тренерот Кирил Лазаров предупредува дека противникот не смее да се потцени.

„Играме против ривал кој можеби е неатрактивен, но е доста опасен. Доаѓа од незгодна школа и оваа година земаа и шпански тренер, па се гледа нивниот напредок. Ако ја споредиме Клаипеда оваа година со минатата, сега се подобри за 30-35 отсто, затоа сум внимателен во најавите. Треба да бидеме претпазливи во овој систем дома-гости. Тие постигнуваат многу голови, во повеќето од натпреварите ја минуваат границата од 40 голови, играат во силен ритам во сите 60 минути без разлика на противникот. Стоиме цврсто на земја и во ниту еден момент нема да го потцениме протвникот. Имаме поголема самодоверба од лани, тоа се покажува на натпреварите. Но треба да бидеме претпазливи, уште не сме доволно искуство. Утре би бил задоволен со било каква победа, не треба да се оптоваруваме со крајната разлика“, изјави Лазаров.

Натпреварот меѓу Алкалоид и Драгунас Клаипеда се игра в сабота со почеток од 19 часот.