Повеќе нема дилеми: Синер ќе биде број еден за 2024 година! (ФОТО)

10 октомври 2024 - 17:08

Италијанецот Јаник Синер ќе ја заврши 2024 година како прв тенисер во светот, ова е потврдено по денешната елиминација на Карлос Алкараз во четвртфиналето на турнирот во Шангај.

Синер кој денеска одигра одличен меч и со 6-1 и 6-4 го елиминираше Данил Медведев и обезбеди пласман во полуфиналето на АТП листата има 3020 бодови кои се недостижни за Шпанецот.

На врвот Италијанецот има 9730 бодови, додека Алкараз е второпласиран со 6210, а до крајот има уште два турнири Мастерсот во Париз и финалето на сезоната во Торино. Од овие два турнири Алкараз максимално може да дојде до 9210 бодови кои нема да бидат доволни дури и Синер да не ги освои овие турнири.

За Алкараз до крајот на сезоната останува да се бори да ја задржи оваа втора позиција бидејќи Александар Зверев е зад него со 6215 бодови.