Делегат и двајца судии добија суспензии поради пропусти во Суперкупот

Антовски нема да суди на четири натпревари во сите лиги. Одлуката е донесена по анализа на експертскиот извештај и прегледување на видео-снимките, врз основа на кои било оценето дека неговото судење не било на потребното ниво.

На ист период ќе биде отстранет од извршувањето на своите обврски и делегатот Николовски. Неговата казна се однесува на пропусти при спроведувањето на одлуките, односно неуредно и нецелосно постапување, како и ненавремена и неправилна реакција.

За разлика од нив, Јакимовски е казнет со забрана за вршење на судиската должност на два натпревари во сите лиги. И во неговиот случај, одлуката се темели на експертска процена и прегледан видео-материјал, при што е констатирано недоволно квалитетно судење.

Од истиот натпревар е и паричната казна од 30 илјади денари за Куманово поради фрлени тврди предмети од домашните навивачи.