Навивачите на Ал Наср му дадоа поддршка на Роналдо, тој им се оддолжи со 980. гол (ВИДЕО)

09 октомври 2026 - 21:26

Кристијано Роналдо повторно е во центарот на вниманието, овојпат поради случувањата на теренот. Португалската ѕвезда се врати на клупските обврски во Ал Наср по бурниот период во репрезентацијата, а навивачите веднаш му покажаа дека и понатаму има нивна поддршка.

На трибините за време на дуелот против Ал Дирија се појави транспарент со пораката „Greatness is earned“ („Големината се заслужува“). Таа доаѓа во момент кога Роналдо е во центарот на вниманието поради конфликтот со селекторот на Португалија, Жорже Жесус, и неговото заминување од репрезентативниот камп.

Роналдо им возврати на навивачите на најдобар можен начин – со гол. Португалецот ја затресе мрежата во 23. минута од натпреварот, со што го одбележа враќањето во клупскиот фудбал и стигна до 980 гола во кариерата.