Звезда доби казна од Евролигата уште во првото коло

08 октомври 2024 - 14:57

Дисциплинската комисија на Евролигата парично ја казни Црвена Звезда и српскиот гигант ќе мора да плати 7.000 евра поради фрлање предмети на теренот во натпреварот против Париз во првото коло од најквалитетното европско клупско натпреварување.

Во соопштението се наведува дека навивачите на Звезда во натпреварот со Париз фрлале предмети на теренот и на тој начин го прекршиле дисциплинскиот кодекс на Евролигата.

Евролигата објави и дека црвено-белите ќе имаат право на жалба на одлуката пред апелациониот суд.

Звезда во натпреварот против Париз славеше победа со резултат 80:77.

Вториот натпревар оваа сезона од Евролигата Звезда ќе го игра утре на свој терен против Басконија.