Јокиќ блескаше, но не го спаси Денвер, петта по ред за Мајами, шок во Бостон (ВИДЕО)
Девин Букер со 20 поени беше најефикасен кај гостите, во чии редови дури седуммина играчи постигнаа двоцифрен број на поени. Иако Феникс важи за најслаба скокачка екипа во лигата, овојпат оствари осум скока повеќе од домашниот тим. На Денвер не му помогна ниту одличниот Никола Јокиќ кој забележа 28 поени, 15 скока и 7 асистенции, како и Џамал Мареј кој и покрај проблемите со лични грешки уфрли 28 поени.
Најголемото изненадување на вечерта се случи во „ТД Гарден“, каде Орландо Меџик го совлада Бостон Селтикс (115-105), нанесувајќи му го првиот пораз на домаќинот оваа сезона. Гостите од Флорида славеа во Бостон по пауза од речиси четири години, благодарение на Дезмонд Бејн кој беше клучен во пресвртот во последната четвртина со 24 поени и 8 скока. Одлична партија пружи и Франц Вагнер со 21 поен, 9 асистенции и 8 скока, додека кај Бостон најмногу се истакна Џејсон Тејтум со 24 поени и 12 скока.
Филаделфија Севентисиксерс дојде до очекувана гостинска победа во пресметката со Бруклин нетс (136-122) и тоа предводена од Џоел Ембид, кој ја имаше најефикасната партија сезонава со 37 поени. Минесота на домашен терен го совлада Портланд (106-98), предводена од Теренс Шенон Џуниор кој стигна до рекорд на кариерата од 34 поени, како и Руди Гобер (18 поени, 15 скока). Дени Авдија во дресот на Портланд се истакна со 27 поени.
Мајами Хит ја продолжи одличната форма со петта победа во низа, совладувајќи го Хјустон (128-110). Јанис Адетокумбо доминираше со 20 поени, 13 скока и 6 асистенции, додека Клеј Томпсон постигна пет тројки. Кај Хјустон, Шенгун уфрли 23, а Богдан Богдановиќ за 25 минути постигна 7 поени.
РЕЗУЛТАТИ: Бостон - Орландо 105-115, Кливленд - Чикаго 126-118, Вашингтон - Мемфис 120-136, Бруклин - Филаделфија 122-136, Мајами - Хјустон 128-110, Минесота - Портланд 106-98, Њу Орлеанс - Голден Стејт 115-94, Денвер - Феникс 105-117.