Бањаја издоминира во Јапонија и се приближи кон врвот во Мото ГП шампионатот!

06 октомври 2024 - 09:32

Италијанскиот возач во тимот на Дукати, Франческо Бањаја, по вчерашниот триумф во спринтот и утринава дојде до победа во трката за Големата награда на Јапонија, со што направи дополнителен исчекор кон врвот во Мото ГП шампионатот.

Тој немаше поголема конкуренција, откако Медро Акоста повторно не успеа да финишира, исто како и вчера. Лидерот во генералниот пласман, Шпанецот Хорхе Мартин, успеа да се пробие до второто местом додека победничкиот подиум го комплетира Марк Маркез. Зад него се најде Енеа Бастијанини, а првата десетка ја комплетираа Морбидели, Бендер, Бецеки, Џанантонио, А.Еспаргаро и Милер.

Мартин сега има десет бода предност пред Бањаја во генералниот пласман на возачите и тоа на четири трки до крајот. Следната пресметка на мотоциклистите е на 20. октомври во Австралија.