И вака може во Русија: Српски тренер доби отказ среде натпревар

05 октомври 2024 - 18:14

Легендарниот српски фудбалер, сега во улога на тренер Саша Илиќ, денеска доби отказ од позицијата шеф на стручниот штаб на Нижњи Новгород по серијата лоши резултати на неговиот тим.

Руските медиуми објавија дека отказот му бил доделен во текот на мечот против Акрон (2-2) иако официјално, информацијата беше објавена по неговото завршување. Веста потоа ја потврди генералниот директор на клубот Давид Мелик.

„Илиќ е сменет, тоа е одлука на директорскиот одбор“, изјави Мелик за тамошните медиуми.

Србинот беше назначен за тренер на Нижњни Новгород во мај 2024 година, а во моментот кога доби отказ се наоѓаше на 11. место на табелата во руското првенство.