Куп на Македонија: Последни три битки за место во осминафиналето!

02 октомври 2024 - 10:07

Денеска се играат последните три натпревари од 1/16 финалето во Купот на Македонија по што ќе бидат познати сите осминафиналисти.

Победа крена раце уште пред да почне мечот со Гостивар. Прилепчани требаше да бидат домаќини на овој дуел, но прифатија да гостуваат. Натпреварот наместо во Прилеп ќе се одигра на стадионот „Борис Трајковски“ во Маџари каде Гостивар е домаќин.

Во Струмица, Беласица ќе ја пречека Македонија Ѓорче Петров. На Башкими му е суспендиран теренот во Куманово, па денеска во Гостивар ќе биде домаќин на Воска.

Сите три натпревари се играат од 14 часот.

Победниците на денешните натпревари ќе им се приклучат на екипите кои претходно обезбедија место во осминафиналето: Тиквеш, Вардар, Пелистер, Шкупи, Шкендија, Брера, Силекс, Струга ТЛ, Арсими, Брегалница, Беса, Шкендија Арачиново и Детонит.

Куп на Македонија:
Гостивар - Победа
Беласица - Македонија ЃП
Башкими - Воска