Храбро предвидување на Милко Ѓуровски: Партизан ќе ја победи Звезда
Двата тима се во дијаметрално различно расположение, Партизан се соочува и со голема криза во клубот и поради тоа Звезда е голем фаворит на овој меч. Сепак, со тоа не се согласува поранешниот македонски репрезентативец и член на двата клуба Милко Ѓуровски кој тврди дека ќе бидеме сведоци на изненадување.
„Мислам дека Партизан ќе ја победи Звезда бидејќи ова му е добра шанса да се врати во живот. Ќе видите в понеделник. Проблемот кај Звезда е во тоа што има премногу странци и има малку домашни фудбалери. Странците не знаат што е дерби, тие играат бидејќи се платени“, смета Ѓуровски.
Црвена Звезда доминира во српското првенство каде веќе седум години во низа е шампион, но нема поголеми успеси на меѓународна сцена. Сезонава игра и во Лигата на шампионите и во првото коло загуби на домашен терен од Бенфика.